КЫВЗЫСЬӦМ

Гӧтыр ветлӧ грим да грым,
Мый и сыкӧд лоис?
Гӧгӧрвои: усис лым,
Пикӧ сійӧ воис.

Асывводзнад сылы дыш
Петны ывла вылӧ.
Пач вом дорын шонтӧ мыш,
Помся броткӧ кылӧ.

Индӧ: ва пӧ ӧдйӧ вай.
Ӧшинь увсӧ чышкы.
Зэв жӧ сюсь тэ, вӧлӧм, тай.
Но, а мен тшӧтш дыш кӧ?

Тайӧс сылы, дерт, ог шу,
Ставсӧ вӧча сюся.
Ак, тэ, мися, кын чер пу —
Вида сійӧс гусьӧн.

Мися, наян жӧ и тэ.
Часлы, кадыс волас...
Мыйла эськӧ сыкӧд ме,
Мыйла сыкӧд ола?