СЬЫЛАНКЫВ

Сьӧлӧм радлыны кужис,
Дойысь-шогысь эз пов.
Бара сьыланкыв чужис,
Быттьӧ ыджыд любов.

Шуи: «Кытшовт став мусӧ.
Тэнад крепыд нин борд.
Вудж и моресӧ-й, юсӧ,
Но эн вунӧд ас горт.

Тэнӧ виччысьны мӧда,
Кыдзи бать, кыдзи мам.
Эн тэ лэбав сэн сьӧдас,
Ассьыд петкӧдлы сям.

Медым тӧдласны йӧзыс
Коми кывйыслысь лад.
Медым Эжвалӧн лӧзыс
Налысь мичмӧдас кад».

Менам сьыланкыв лэбис,
Медым вуджас кузь туй.
Тырмас сы вылӧ эбӧс:
Абу няр, абу руй.