СТАВЫС ВЫЛЬ

Дзик ставыс важ, но ставыс быттьӧ выль,
Кӧть зумыш лун, но со тай — кыпыд лолыд.
Ӧд вежӧдӧ нин Эжва бокса мыльк,
И потӧ гар. Дерт, сьӧлӧм вылад долыд.

Мед долыд, мед. Ӧд улич вылас май.
Ме шуи талун: «Чолӧм, тулыс! Чолӧм!».
И гажа лоис весиг шонді сай,
И озырмис тшӧтш быттьӧ менам олӧм.

Ме аддза: шоныд йӧзыслӧн тшӧтш нюм,
Ме кыла: кыпыд сёрниясныс налӧн.
Да, тулыссьыс он некор, вӧлӧм, пӧт,
Кор луныс лӧз, а рытыс — мича алӧй.