ДЗОРИДЗАЛЫСЬ САД

Асывнас на дзоридзаліс садӧй,
Дзоридз кӧрыс кольмӧдыштіс юр.
Лэбалісны малязіяс ладӧн, —
Сэтшӧм вӧлі лӧсьыд, сэтшӧм бур.

Но ӧд лёкыс мичлун вылас сюрис:
Чизыр тӧлыс куштіс дзоридз роз,
Сійӧ садйын тешитчис да дурис
Дӧбелькиӧдз юӧм дядьӧ моз.

Но оз вермы чегны садлысь олӧм,
Кӧть и лолыс сылӧн вӧлі кын.
Менам садлы шонді ыстіс чолӧм,
Менам садлы тулыс сетіс вын.

Ӧні ёнджык дзоридзалӧ садыс,
Бара чужтӧ йӧзлысь шоныд нюм.
Но ӧд вермас локны мустӧм кадыс.
Сы йылысь и чужӧ менам дум.