ВЫЛЬЫСЬ АДДЗЫСЬӦМ

Чужан сиктӧй, Эжва юӧй,
Менӧ вошӧмӧн эн шуӧй:
Дыркодь бокын олӧм лои,
Ӧні дзикӧдз гортӧ вои.

Кыддза расӧй, кыддза расӧй,
Абуӧсь тай кок туйясӧй.
Быдмӧмыд тэ вывті ёна,
Эн вай тӧдтӧмт: век тэ дона.

Зараваӧй, зараваӧй,
Челядьдырся менам маӧй,
Важ мозыд на чӧскыд, юмов.
Чибльӧгӧн кӧть эськӧ гумовт.

Чужан муӧй, чужан муӧй,
Сьӧлӧм пытшкам радлун туӧ.
Тэ кӧть вермин овны метӧг,
Но, а мен — дзик некыдз тэтӧг.