ВОЛӦЙ МЕ ОРДӦ

Коркӧ волӧй вай Эжва йылӧ,
Волӧй ме ордӧ, лоа рад.
Оз ӧд кушӧн ло пызан вылӧй,
Ми ӧд аддзам на тӧлк и лад.

Волӧй, видзӧдлӧй Эжва юӧс.
Кузь покосъяса паськыд видз.
Волӧй. Петкӧдла чужан муӧс,
Сылӧн шензьӧдас гаж и мич.

Кутшӧм шаньӧсь ӧд тані йӧзыс,
Кутшӧм небыдик налӧн кыв.
Кутшӧм сӧстӧм тан енэж лӧзыс,
Кутшӧм кыпыд тан сьыланкыв.

Волӧй. Нинӧмӧн ті он ворссьӧй,
Эн на аддзылӧй татшӧм му.
И он аддзӧй, кӧть мыйта корсьӧй, —
Ме ог ошйысьӧм ради шу.