ПАРМАСА ШУДӦН

Пукалам тэкӧд, пармаса мортӧй,
Ог быттьӧ вӧрын, быттьӧ дзик гортын.
Трачкӧдчӧ бипур. Кутшӧм тан лӧсьыд.
Юыштім чай да, лэччӧ со пӧсьыд.
Та бӧрын тэкӧд сёрнияс панім,
Шуин тэ меным: гортӧй пӧ тані.
Лэчча пӧ сиктӧ — кыскӧ бӧр татчӧ,
Зэрыс кӧть шӧтӧ, турӧб кӧть гартчӧ.
Эска ме тэныд, пармаса мортӧй:
Меным ӧд вӧрыс — зэв жӧ бур ёртӧй.
Сійӧн и помся сы йылысь сьыла,
Пармаса шуднас ола да выла.