БУР АСЫВ!

«Бур асыв!» — шонділы ме шуа.
«Бур асыв!» — вочавидзӧ мен.
«Бур асыв, дона чужан муӧй!»
«Бур асыв!» — кылӧ тан и сэн.

«Бур асыв, Эжваӧй да-й юӧй!»
«Бур асыв!» — ыстӧ мелань гы.
«Бур асыв, зарни шепта сюӧй!»
«Бур асыв», — кыла шӧпкӧм шы.

«Бур асыв, муса, дона ёртӧй».
«Бур асыв», — гӧтыр оз нин узь.
«Бур асыв, батьӧн шуысь мортӧй,
Мед тэнад нэмыд лоӧ кузь».

«Бур асыв!» — мамӧлы ме сиа.
«Бур асыв. Важӧн шедіс ун».
«Бур асыв, шондіа Россия!
Мед мича лоас тэнад лун!»