ТОМ ОЛӦМӦЙ, ТОМ ГАЖӦЙ

Ёна вежӧй петлывліс,
Кодыр вокӧй ветлывліс
Рытйысьны быд лун.
Паныдыс и ньылыдыс
Юрсӧ вӧлі шыльӧдас,
Кытчӧдз оз на мун.

Вӧччас еджыд дӧрӧмӧн,
Сапӧг гӧлень кӧрӧма,
Завидь весиг мем.
Нянь тор сёйны выйыштас,
Сэсся клублань лыйыштас —
Гудӧкыс тай эм.

Медым сэсся лёкалӧ —
Гуляйтсис тай вокӧлӧн,
Вежысь, майбыр, эм.
Мед, колӧкӧ, вежалас,
Клублань рытнас кежалас:
Гуляйтсьӧ и мем.