МЕКӦД ВОЧАСИС НЫВ

Мекӧд вочасис ныв. Туйсьыс кежышті бокӧ
И эг сувтӧмӧн сёрнияс нуӧдны мӧд.
Ӧні каитча пыр: эз ӧд нинӧм вӧв лёкыс,
А то нимсӧ ӧд весиг ме сылысь ог тӧд.

Мекӧд вочасис ныв. Вылам видзӧдліс смела,
Сэсся нюмдыштіс, неуна муныштӧм мысьт.
Мыйкӧ шуис на да-й, но ме нинӧм эг велав,
Эськӧ воськов-мӧд вӧчлі, но водзӧ эг лысьт.

Мекӧд вочасис ныв. Эз и сувтыштлы — муніс,
А ме сулалі дыр и мый вӧчны — эг тӧд...
Сэксянь надейтча век: воас аддзысян луныс,
Эз кӧ ме дорысь смелджыкӧн ло кодкӧ мӧд.