* * *

Тӧда: сьӧлӧмад ворсӧдчӧ вир,
Но тэ ме йылысь думайтны дугды.
Эн вай потшӧсас паськӧмтӧ нирт,
Мун нин гортланьыд: дзикӧдз ӧд югдіс.

Шулі меліа кыв-мӧд кӧ тэд,
Коркӧ орччӧн кӧ муныштӧм лоліс,
Тайӧ сійӧн, эн ышмы тэ мед,
Медым этшаджык корасьысь воліс.

Ӧні воча кыв тэныд ог сет,
И тэ прӧста дзик виччысян татӧн:
Тэ ӧд тӧдан, мый гортысь ог пет,
Мый ме виччыся ассьым салдатӧс.

Эн тэ ӧшиньӧ торкӧдчы, эн,
Виртӧ кӧдзӧдышт, дурӧмсьыд дугды...
Менӧ ышӧдны некор нин тэн,
Мун вай гортад: ӧд дзикӧдз, со, югдіс.