* * *

— Сэтшӧм сынӧдыс яг вылас кӧра,
Весиг неуна кольмӧдіс юр, —
Тадзи шуыштін сэки тэ вӧрад,
Кор тай миянлы тшакыд эз сюр.

Ещӧ шуин тэ юалӧмсорӧн:
— Татчӧ керка вай кыпӧдам ми?
Сійӧ тырас мед вӧрыслӧн горӧн!
Сэні чужас мед пармалӧн пи...

Мый нӧ содтыштны татчӧ ме верми?
Сӧмын корӧмӧн нюжӧді сыв.
А кор мыйлакӧ тӧдлытӧг зэрмис,
Весиг вӧрыслысь шувгӧм эг кыв.

Коркӧ-й лӧзаліс енэжлӧн серыс.
Лои югыд. И горӧдін сэк:
— Тайӧ миянлы шуд вылӧ зэрмис,
И мед шуд вылӧ зэрмылас век.