БЫДӦН НА ПИЫСЬ АСМелань ветымын синмӧн Дзоргӧ лӧньыштӧм класс. Быдӧн на пиысь менам, Быдӧн на пиысь ас. Кодкӧ чукӧрад вильыш, Кодкӧ вывтіджык збой, Кывтӧ корсьысьны зілян, Мед он некодӧс дойд. Нюмыд ӧтилы петас, Мӧдлысь шылькнитан юр. Помӧдз сьӧлӧмтӧ сетан, Ставыс вӧлі мед бур. Быдӧн лоис мед мортӧн, Лёка нэмсӧ эз вудж, Кужис лоны мед ёртӧн И тшӧтш радейтіс удж. Кодкӧ енэжлысь, гашкӧ, Коркӧ писькӧдас вевт. Кодкӧ вӧр-валысь вашкӧм Кутас радейтны зэв. Гашкӧ, кодыськӧ лоас Миян вожса поэт. Кодкӧ гортланьыс воас, Ме моз велӧдны мед... Мелань ветымын синмӧн Дзоргӧ лӧньыштӧм класс. Быдӧн на пиысь менам, Быдӧн на пиысь ас.
