НЯНЬ

Кокни жар вылын банйыштӧм нянь,
Быдсӧн пушъялан, босьтам кор рачысь.
...Ме кодь том йӧзыс чаль судтасянь
Мыйта чорзисны вижӧдӧм качысь.

Кокни жар вылын банйыштӧм нянь,
Кутшӧм небыдик, кутшӧм тэ чӧскыд!
...Киам шлочкыліс дядьӧлӧн пань:
Мӧдӧд шӧрӧм пӧ кватитіс, мӧскыд...

Кокни жар вылын банйыштӧм нянь,
Код нӧ тэтӧг куш сорванад пӧтас?..
Мед жӧ Му вылас олысь быд ань
Медбур пызьысь пыр нянь шомсӧ кӧтас.