* * *

Письмӧяс йӧзыслы воӧны,
Меным — дзонь тӧлысь нин кост.
Мый бара гортын нин лоины —
Гижасны коркӧ ли оз?

Видзӧда ёртъясӧй вылӧ да,
Нюмдӧмны тані и сэн.
Ме тай век ачымӧс ылӧда:
Гижасны, мися, и мен.

Ветлӧдла жугыльмӧм синъясӧн.
Шуӧны: «Шогсьӧ салдат».
Веськала шондіаинъясӧ —
Сьӧлӧмӧй абу жӧ рад.

Мыйла нӧ та дыра, мыйла нӧ
Гӧлӧссӧ некод оз сет?
Конвертсӧ кушсӧ кӧть мый ли нин
Ӧтиӧс ыстісны мед.