САЛДАТЛӦН ПИСЬМӦ

Ылі туйысь воис письмӧыс вель дыр —
Чукрасьыштӧм дорыс висьталӧ тай пыр.
Дӧва мамлы вайис сійӧс почтальон.
Мый нин гижӧ пиыс — армияса зон?

Сійӧ аслас мамлы сиӧ шуда нэм,
Гортса сёрни панлӧ: мый нин выльыс эм?
Письмӧ помас содтӧ: эн пӧ шогсьы, мам —
Видзны пӧ граница эм нин менам сям.
Ёртъяскӧд пӧ орччӧн нинӧмысь ог пов,
Ме вӧсна пӧ, мамӧ, гӧрдӧдны оз ков.

Мамлӧн радлӧ лолыс: «Батьыс кодь жӧ дзик!»
Талун зонлысь письмӧ лыддяс ставнас сикт.