МЕ КРЕСТЬЯНИНЛӦН ПИ

Ме крестьянинлӧн пи. Гашкӧ, та вӧсна муса
Чужан муысь быд пу и — дзик быд турун сі.
И дзик та вӧсна тулысын нёдздыштӧм мусӧ
Гӧрны петтӧдз век чабралӧ-видлалӧ ки.

Ме крестьянинлӧн пи. Гӧртӧг куйлӧ кӧ идза,
Быдсӧн кӧдзавла, сьӧлӧмнам эськӧ кӧть ён.
Гашкӧ, та вӧсна бара жӧ сиктса моз видза
Ог сэн кутшӧмкӧ Моська, а вӧралан пон.

Ме крестьянинлӧн пи. Бара та вӧсна, гашкӧ,
Кыдзкӧ мусаджык сиктысь жӧ кыввора ныв.
И, дерт, та вӧсна тӧдлытӧг сьӧлӧмсянь вашка
Гажа вӧр-ва да нянь йылысь сӧдз сьыланкыв.