КЫВВОДЗ ПЫДДИ

Лэдзам коми литература журнал. Зэв нин уна чукӧрмӧма сэтшӧм гижӧдыс, кодӧс оз позь печатайтны школа книгаясӧ.

Важӧн вӧлі сэтшӧм гижӧдъяссӧ печатайтӧны коми газетӧ. Ӧні сійӧ газетсӧ пӧртісны роч газетӧ, комиӧн весиг нин нинӧм оз думайтны печатайтны (мыйла?). Коми газетад ӧні печатайтӧны сӧмын вит кыв комиӧн: «Югыд туй», «Му выв коньӧръяс, ӧтувтчӧй!» Миян ногӧн кӧ эськӧ, дерт, сійӧ этша да, мый нӧ керан. Сы вылӧ аттьӧ! Ми огӧ сэтшӧма тӧждысьӧй («Югыд туй» моз) образованнӧй рочӧн кужысь коми йӧз вӧсна. Миян ёнджыка сьӧлӧмным висьӧ омӧля велӧдчӧм сьӧд коми йӧз понда.

Тайӧ журналсӧ лэдзам сы могысь, мед кӧть этша сьӧд коми йӧзыс пальӧдчыштас, «гажтӧм гажсӧ гажӧдыштас, петтӧм серамсӧ петкӧдлыштас». Тайӧ — ӧти мог журналлӧн. Мӧд мог журналлӧн лоӧ со кутшӧм. Ӧні коми литература зэв ньӧжйӧ сӧвмӧ. Абу литературанас веськӧдлысьыс. Оз тӧдны, кыдзи да мыйджык колӧ гижны. Тайӧ журналыс мед лоас литературалы туй индысьӧн. Гижӧй, ёртъяс, коми художествоа лӧсьӧдӧмторъяс, критика да мӧдӧдӧй миянлы, ми мӧд номерӧ печатайтам.

Коми книга лэдзанін