* * *

— Чеччы, вӧччы, мича акань,
Чеччы, ме эг садьмӧд пыр,
Аддза чӧскыда тэ узян,
Видзӧді ме вылад дыр.

Чеччы, лӧсьӧдчи ме туйӧ,
И арбаяс важӧн дась,
Паськыд сахраысь ми аддзим
Турунаин, мунам тась.

Чеччы, долыда ми гузьгам
Сэтчӧ миян эмбурӧн,
Мӧс-вӧвъясӧн, тэвеясӧн —
Сымдаыс эм кодлӧн, кӧн! —

«Чечча, тэяд петігкості
Мысся ме и пасьтася,
Суа тэнӧ ӧдзӧс дінад,
Панъя на и виччыся!

Виччыся ме, кыдзи мунны
Меным тшӧктас бур султан?
Вӧв вылын-ӧ тэве вылын?
Ӧш вылӧ-ӧ пуксьӧдан?»