* * *

— Быдся вӧт пӧч гӧгӧрвоӧ...
Бур ань, тайӧ вӧт мый лоӧ,
	Тӧдны позяс-оз? —
Ёма карті киас босьтас,
Чӧвтас, нёльӧдысь нин восьтас
	Озысь табак доз.
«Буби даса, кресті квайта...
Оз пӧръявны — сідз ме чайта —
	Он кӧ тӧдтӧг ов.
Морӧс кӧдзавлас мед ӧні,
Сьӧлӧмшӧръяс видзӧдӧны
	Ульӧн сёйны, пов.
Туз, король, валет и дама...
Сьӧлӧмвывса дум видз рама,
	Та туйысь эн кеж!
Мӧд ног виртӧ нёняласны
И гу вылад гижталасны:
	«Тані куйлӧ меж».