| ЛЕНОРА | |
| VI | |
| .................................................. | |
| ................................................. | |
| ................................................. | |
| ................................................. | |
| ................................................. | |
| ................................................. | |
| ................................................. | |
| ................................................. | |
| Грездын, гу моз, ньӧжйӧ вӧліс; | |
| Ягъяс вылын гӧгрӧс тӧлысь | |
| Кымӧрӧн кор тупкысяс, | |
| Кодыр бара мыччысяс. | |
| VII | |
| Со нин вой шӧр! Сус пу вӧрзис; | |
| Пӧльыштіс со ёсь тӧв вӧрсьыс... | |
| Мый эм выныс — топӧдӧ, | |
| Ыбӧд вӧла вартӧдӧ! | |
| Гӧрдліг со — Ленора кылӧ — | |
| Вӧлыс сувтіс; со пос вылӧ | |
| Кодъя кайис гусьӧник; | |
| Эзысь чунькытш ньӧжйӧник | |
| Котшкӧдӧ кӧрт ӧдзӧс дорӧ... | |
| Вашкиг кодъя нылӧс корӧ... | |
| Тайӧ — тӧдса вашкӧдіс, | |
| Тайӧ — вӧліс мусаыс! | |
| VIII | |
| «Узян он-ӧ тэ, Ленора? | |
| Тэнӧ мусаыд — ме кора: | |
| Вунӧдін-ӧ, казьлалан? | |
| Бӧрдан-ӧ тэ, гажӧдчан?» | |
| — Тэ-ӧ?.. Кысь тэ вой шӧр войын? | |
| Кадӧ на тэ, муса, воин! | |
| Ой, не сідз кӧ, эськӧ нин | |
| Кусіс синваясысь син! | |
| Вӧрзис, тыдалӧ, ен шогӧн... | |
| Висьтась, висьтась, кутшӧм ногӧн | |
| Тан тэ лоин? Вӧлін кӧн, | |
| Олӧм меям олӧмлӧн? | |
| IX | |
| «Дзескыд керка меям ылын... | |
| Сӧмын шыльыд енвевт вылын | |
| Югыд тӧлысь петкӧдчас, | |
| Сӧмын вой шӧр кучкалас, | |
| Вӧвъясӧс ми пуклӧсалам; | |
| Пемыд чомъяс шыбиталам... | |
| Ме туй вылӧ петі сёр! | |
| Ныв! Тэ меям вӧлін кор, | |
| Меям лоан и та бӧрын: | |
| Тэнӧ нуа ме ас сьӧрын! | |
| Гӧрдлӧ вӧвным ывлаад! | |
| Мунам, мунам: локтіс кад!» | |
| X | |
| «Виччысям, мед этша югдас; | |
| Мед кӧть этша лёк тӧв дугдас; | |
| Ӧні кӧдзыд ыбъясын; | |
| Тӧлысь пемдіс кымӧрын». | |
| — Лёк тӧв регыд, нылӧ, дугдас; | |
| Регыд бара тӧлысь югдас... | |
| Вӧвным гӧрдлӧ ывлаад... | |
| Мунам, мунам: локтіс кад! | |
| Вӧлӧй лёка йирӧ домсӧ; | |
| Сійӧ тӧдӧ ассьыс комсӧ... | |
| Оз бур ло, кор сёрмамӧ... | |
| Кузь туй! Мунам, мунамӧ!» | |
| XI | |
| Вартӧдӧны зонма-ныла. | |
| Полігӧн зон морӧс вылас | |
| Нылыс юрнас копыртчӧм, | |
| Коскас кинас кутчысьӧм. | |
| Вӧрӧ вӧв кок улас муыс, | |
| Кымӧр кодь вӧв гӧгӧр руыс, | |
| Шыбласьӧ тшын пельяссьыс, | |
| Чеччалӧ би кокъяссьыс! | |
| Сӧмын налы гӧпъяс, пуяс, | |
| Тыяс, юяс, муяс, гуяс, | |
| Бадьяс, шашараяс сэн | |
| Воччасьӧны ньӧвъясӧн! | |
| XII | |
| Тӧлысь видзӧдӧ со вылысь; | |
| Пышйӧ кулӧм морткӧд нылыс. | |
| Налы колӧ гуясвыв! | |
| «Полан он тэ мекӧд, ныв?» | |
| — Ог пов! Мый мем кулӧм мортыд? | |
| Ог пов, ог пов! Мый мем гортыд? | |
| Найӧ гуяс пытшкын тай!.. | |
| Кытчӧ колӧ менӧ вай! — | |
| Кодъя шутёвтіс ыб шӧрын, | |
| Кырныш вӧрзис вӧр шӧр вӧрын... | |
| Би со!.. шатовтчыштіс вӧв... | |
| — Ылын-ӧ на? — «Ылын зэв!» | |
| XIII | |
| Аддзӧны со зонма-ныла: | |
| Вой шӧр кадӧ вылӧ, вылӧ | |
| Мусянь лэптысьӧны йӧз, | |
| Асьныс ру кодь еджыдӧсь! | |
| Найӧс мукӧд вӧтӧдӧны, | |
| Шутьлялӧны, омлялӧны, | |
| Льӧмзӧны лёк сьыланӧс... | |
| Поткӧдлӧны сьӧлӧмӧс! | |
| Тӧлысь видзӧдӧ со вылысь; | |
| Кулӧм морткӧд пышйӧ нылыс. | |
| Налы колӧ гуясвыв! | |
| «Полан он тэ мекӧд, ныв?» | |
| XIV | |
| — Ог пов! Мый мем кулӧм мортыд? | |
| Ог пов, ог пов! Мый мем гортыд? | |
| Найӧ гуяс пытшкын тай!.. — | |
| «Вӧлӧй, вӧлӧй, регыд вай | |
| Миянӧс тэ, кытчӧ колӧ! | |
| Асъя кодзув петіс, пола... | |
| Тӧлысь кусіс кымӧрын. | |
| Вӧлӧй! Петук сьылӧ нін!» | |
| — Ылын-ӧ нин, муса? Дыр-ӧ | |
| Огӧ, муса, чомъяд пырӧ? — | |
| «Со нин, со нин локтімӧ! | |
| Со ме чомйӧ пырамӧ!» | |
| XV | |
| Паськыд пожӧмъяс со сэні | |
| Сулалӧны, довъялӧны... | |
| Ӧдзӧса йӧр; кыдзи тӧв | |
| Сэтчӧ пырис налӧн вӧв! | |
| Мый нӧ синъяс водзад, нылӧ? | |
| Сьӧд вӧв лэбзьӧ гуяс вылӧд; | |
| Гӧгӧр крестъяс кӧдзӧма, | |
| Шӧрас вичко сувтӧма. | |
| Мый нӧ синъяс водзад, нылӧ? | |
| Локтӧм мысьт вӧв выль гу вылӧ, | |
| Выль гу пытшкӧ уськӧдчис! | |
| Муувса гым гымӧстіс!.. | |
| XVI | |
| Лёка пӧвъяс кратшкӧдчӧны, | |
| Лы-лы дінӧ инмасьӧны, | |
| Шыбитчис бус, тӧласиг!.. | |
| Воссис горт со ньӧжйӧник! | |
| Аттӧ, ичмонь! Мый тэд воис? | |
| Гуясвыв тэд — керка лоис; | |
| Тэяд вольпась — пожӧм горт, | |
| Тэнад верӧс — кулӧм морт! | |
| Кынмӧм веськыд шой ныв дінас; | |
| Сійӧ кутчысьӧм кык кинас; | |
| Гартчӧм еджыд дӧраӧн... | |
| Ныланӧй! Тэ лоин кӧн? | |
| XVII | |
| Со-со пуксис... аслас дорӧ | |
| Чуньнас нылӧс кулӧм корӧ: | |
| «Помасис туй! Нылӧ, тан | |
| Чӧскыда тшӧтш ойбыртан!» | |
| Мый нӧ лоис миян нывлӧн? | |
| Гудыртчисны синъяс сылӧн; | |
| Веждіс чужӧм, кӧдздіс вир... | |
| Кулӧма тшӧтш усис пыр! | |
| Чеччисны сэк кулӧм мортъяс, | |
| Колялісны сісьмӧм гортъяс; | |
| Кулӧм чукӧр льӧмӧстіс... | |
| Йӧла накӧд ойгӧптіс!.. | |
| XVIII | |
| Шудтӧм нывкӧд мойдкыв миян | |
| Помасис тшӧтш. Пельяс тіян, | |
| Тӧда, ёна мудзисны; | |
| Но мем сетӧ помавны | |
| Кыдзи колӧ, велӧдӧмӧн, | |
| Йӧзлӧн норасьӧм бӧб. Сӧмын | |
| Вылам кыпӧдӧ ен лӧг! | |
| Ен ӧд тӧдӧ миянтӧг, | |
| Кинлы гажын, кодлы шогын | |
| Бурджык овны. Нывлысь ногӧн | |
| Норасьӧмъяснымӧс эн | |
| Кывзы милысь, ыджыд ен! | |
Комиӧн гижис
Ӧльӧш Иван
Ӧльӧш Иван
