DITHYRAMBE 

Му вылӧ морт ордӧ ӧтнасӧн
	Оз волы некутшӧм ен.
Сёрниа Бахус бӧр виччысьӧ
	Вильыш Амурӧс, а сэн
Ачыс тшӧтш югыд Феб мыччысьӧ...

	Лэбзялӧны,
	Лэччалӧны
	Менам оланінӧ ная...
	Мый нӧ гӧсьтъяслы ме вая?
Эм налӧн! Мортлысь оз видзӧдны!

	Бурӧсь и вермысьӧсь, мем,
Енъясӧй, кувтӧмлун восьтӧ ті.
	Гажа Зевес ордын нэм...
Менӧ лӧз енвевтад босьтӧ ті!

	Ен гаж тайӧ
	Мортлы вайӧ,
	Ен олӧм и морт мед олӧ...
	Сӧмын доз тыр нектар колӧ.

«Мичаник Геба! Поэтлы тэ
	Нектарӧн регыд тырт доз!
Синсӧ рез лысванам зонмыслы,
	Гу пытшкын узьысьяс моз
	— Миян кодь сійӧ — м’оз онмӧсьлы!»

Нектар пузьӧ...
Шог кыдз узьӧ,
Морӧс сьӧлӧманӧс дугдіс
Дзескӧдны — и синмӧй югдіс!