УСЯН КОДЗУВ

Видзӧдӧ ті, видзӧдӧ!
Увлань кодзув ньӧв моз лыйӧ,
Сӧмын туйсӧ кольӧ сійӧ...
Туйсӧ аддзылінныд-ӧ?

Тӧдан, кытчӧдз енлы коліс,
Тайӧ югыд сэтчӧдз оліс.
«Тэныд пом!» — ен шыасис
Кодзувлы — и помасис!..

Регыд, гашкӧ-й, важ му кылас
Саваофлысь татшӧм кыв:
Мыжъяс содӧны пыр вылас,
Ен лӧг содӧ сійӧ выв...

Гашкӧ, сӧмын туйыс сылӧн
Регыд кежӧ колявлас —
И сэк мукӧд кодзув вылын
Кодкӧ ми моз шензьыштас!..