ОМӦЛИК ПУРЙӦН


Омӧлик пурйӧн ытваа юӧд
Гудырмӧм ваыс бергӧдлӧ-нуӧ.

Шондіыс чеччӧ,
Шондіыс лэччӧ,
Кыасӧ печкӧ
Лов кутан лэчкӧн.

Оз судзсьы зібйӧй подйыны мусӧ,
Косінӧ воны лачаӧй кусӧ.

Сыркъялысь лолӧй
Вӧвлӧмнас олӧ,
Водзӧ мый лоӧ,
Думыштны полӧ.

Бӧжавтӧм пурйӧс вайӧдас кытчӧ?
Му вывті эськӧ воськовтны ӧтчыд...

Кодарӧ синны...
Эбӧс ни, вын ни...
Уйны ни сынны...
Ытва не венны...

Омӧлик пурйӧн ытваа юӧд
Гудырмӧм ваыс бергӧдлӧ-нуӧ.

Шондіыс чеччӧ,
Шондіыс лэччӧ,
Кыасӧ печкӧ
Лов кутан лэчкӧн.