ПЫВСЯНЫН


Швич-швач,
швич-швач!
Тані ковтӧм
дӧрӧм-гач.
Швич-швач,
швич-швач!
Кокньӧд ловтӧ,
едрен-шляч!

Но-ко, бергӧд гӧгрӧс боктӧ,
тырмас пӧжны кынӧм ув.
Часлы, чӧжсьӧм гостӧ ректам,
лоан винёв пелысь пу.

Швич-швач,
швич-швач!
Тані ковтӧм
дӧрӧм-гач.
Швич-швач,
швич-швач!
Кокньӧд ловтӧ,
едрен-шляч!

Ок и лӧсьыд выя жарыс,
морӧс пытшкын — сильӧӧй.
Сӧмын тікыртӧма бара
пывсян ӧдйыс чильӧӧс.

Швич-швач,
швич-швач!
Тані ковтӧм
дӧрӧм-гач.
Швич-швач,
швич-швач!
Кокньӧд ловтӧ,
едрен-шляч!

Пӧльяс-пӧчьяс дырйи важӧн
вӧлі пывсянын роддом.
Да и мыськавлісны тан жӧ,
кодӧс суліс олӧм пом.

Швич-швач,
швич-швач!
Тані ковтӧм
дӧрӧм-гач.
Швич-швач,
швич-швач!
Кокньӧд ловтӧ,
едрен-шляч!

Майбыр, кыдз пу сетіс ӧдсӧ,
коз пу содтіс сирӧд кӧр.
Часлы, шойччышта здук-мӧдсӧ,
сэсся пыравла на бӧр.

Шви-и-ич – шва-а-ач,
шви-и-ич – шва-а-ач!
Ӧдва кысся, мудзи нач.
Шви-и-ич – шва-а-ач,
шви-и-ич – шва-а-ач!
Аттьӧ, пывсян!
Едрен-шляч!