ЭНДӦМ ЖӦНИКЪЯС


Мында ягын мича пожӧм,
Сымда миян сиктын зон.
Оз тай тыдав нывлӧн чужӧм,
Быттьӧ сылы ичӧт дон.

Жӧникъяс, жӧникъяс...
Эндӧм зонъяс-мужикъяс.
Буди, мунны базар вылӧ:
Гашкӧ, сэні ньӧбас нылыс?

Нывъяс котыр кытчӧ бырис?
Шыасьлӧй вай, кӧнӧсь ті?
Робинзонлы моз жӧ сюрис
Тілы саридз шӧрын ді?

Жӧникъяс, жӧникъяс...
Эндӧм зонъяс-мужикъяс.
Нывъяс горӧдасны: Татчӧ! —
Паськыд саридз вомӧн вартчам.

Шогӧсь мамъяс, шогӧсь батьяс.
Сёрнитісны тулыснас:
Отсыштам пӧ, сват да сваття,
Пияннымлы нывъяснас.

Жӧникъяс, жӧникъяс...
Эндӧм зонъяс-мужикъяс.
Гашкӧ, лэдзны выль законъяс,
Медым эз на чужны зонъяс?