ЛУЗА ДОРСА ГАЖ


Луз ю раминика сьылӧ,
Сылӧн сьыланкывйыс важ,
Юкӧд орчча сиктын кылӧ
Луза дорса йӧзлӧн гаж.

Кыдзи коркӧ бабӧ сьывліс,
Кыдзи коркӧ йӧктіс дед —
Вайӧ казьтыштам, кыдз вӧвліс,
Выль лов важлы сетны мед.

Тані коми бӧрдан кылӧ,
Роч частушка ӧзтӧ лов.
Налӧн кылыс дона, мыла.
Луза дорса гажӧй, ов!

Кыдзи коркӧ бабӧ сьывліс,
Кыдзи коркӧ йӧктіс дед —
Вайӧ казьтыштам, кыдз вӧвліс,
Выль лов важлы сетны мед.