ЛОКТІ БӦР


«Видза колян...» — коркӧ тэныд шулі.
«Видза олан...» — ӧні шуа тэд.
Тэ эн пиняв, мый ме татысь мунлі,
Тэ эн пиняв, важыс вунас мед.

Эз ло лышкыд ылі муын олӧм,
Эз тай инась сэні менам лов.
Ӧні тӧда: сэтӧн сӧмын колан,
Кӧні коркӧ сетісны тэд ов.

«Видза колян...» — тэныд коркӧ шулі.
«Видза олан...» — ӧні шуа тэд.
Локті бӧр, и сьӧлӧм шогӧй сыліс,
Локті бӧр... Да сибӧдан-ӧ тэ?

Тэ эн чайт, мый гӧститны куш вои,
Чужан муыд — чужан му и эм:
Тані меным коллявнысӧ лоӧ,
Тэкӧд ӧттшӧтш, ассьым мувыв нэм.