ГӦСТИТӦМ


Коньяк дозйыс юкмӧс джуджда мый ли?
Бара рытыс пышкай ныр кодь кузь...
Сёрни кості часі кадсӧ лыйлӧ:
Менӧ вӧтлӧ. Ачыс мый оз узь?

Усяс здук — и нюжалыштас пызан.
Усяс мӧд — и содас пызан эрд...
Кутшӧм матын вӧлі тэнад чужӧм —
Он нин малышт. И он окышт, дерт.

Кывйыд кокни. Кокньыда и сылӧ,
Эрдсӧ вуджиг, воштӧ ассьыс вын.
Сӧмын синнам ӧта-мӧдӧс кылам.
Сэтшӧм налькйысь он тай здукӧн мын.