ЯГЙЫВСА

Ӧтиыс вӧлӧма ягйывса, мӧдыс сьӧласа. Кыкнанныс быттьӧ тӧдысь. Ӧтиыс кулас да шуӧ: «Ме кӧ кула, воа тэ дінӧ поконикнам». Мӧдыс шуӧ: «Ме кӧ кула, ме воа». Споруйтӧны сійӧн. Сьӧласьыс и водзті кулӧ. Ягйывсаыс и шуӧ бабаыслы: мӧд керкаӧ пӧ мун узьны. Ачыс кольччас. Ошйысьӧма: тан колӧ виччысьны поконикӧс. Важӧн вӧд сэтшӧм вӧлӧма пӧрадокъясыд. Ягйывсаыслӧн кык тятей вӧлӧма. Тӧбас отъясӧн да ватнӧйясӧн, мед оз вермы сёйныс сьӧласаыс. Сьӧласа поконикыд и локтіс ягйывса дінӧ: «Но жӧ, — шуӧ, — пукты пызан вылӧ мустӧ да сьӧлӧмтӧ!»

Ягйывса пач кымӧссьыс кирпич босьтас и шуас: «Первой тшыгйывсьыд сёй, — шуас, — тайӧ...» А сэк кості ягйывсаыд тятейяссӧ босьтас да и петас...

Ягйывса ачыс абу, а рӧдыс олӧ, ныла-пиыс, зэв ён пи на эм. Ягйывсаыс зэв ён вӧлӧма, сьӧласаыс зэв лёк вӧлӧма.