КУИМ ВОК

Найӧ вӧлӧмаӧсь куим вок: Питирим, Ярасим да Иона. Емдінын олӧмаӧсь. Сэсся коркӧ ӧтчыд Сольвычегодскӧйсянь локтӧны вӧлӧм кутшӧмкӧ йӧз, кутшӧмкӧ племя. Локтӧны чукӧрӧн-чукӧрӧн, сьӧд юраӧсь. Абу гачаӧсь, а таті только вевттьыштӧмаӧсь, кутшӧмкӧ гӧна йӧз. Сэсся вӧрсьыс петӧмаӧсь да локтӧны Емдінлань ӧтарсянь и мӧдарсянь, окружитӧмаӧсь. Ватіыс локтӧны и горзӧны: «Ермак! Ермак!» Ермак пӧ, горзӧны, а мый сійӧ ермакыс на ногӧн, ог куж висьтавны. Сьыланкыв ли, мойдкыв ли?

Сэсся кык вокыс, Питиримыс да Ярасимыс, пышйӧмаӧсь, а меддзоля воксӧ, Ионасӧ, тайӧ племяыс кутӧмаӧсь да и виӧмаӧсь. Больнича горулас, Эжваланьыс. Вот ог тӧд ермакъяссӧ. Сьӧд юра ермакъяс тай казьтылӧны-а.