ЛЬӦМ ПУ

Льӧм пу дзоридз бура артмӧма,
Тувсов чветлӧн чӧскыд дук.
Корсӧ сё чикыльӧ гартлӧма — 
Зарни рӧма, пашкыр, сук.

Гӧгӧр лысва му выв эжӧдас — 
Быттьӧ югыд бисер моль.
Лысва улас турун вежӧдӧ — 
Помтӧм-дортӧм паськыд воль.

Матын, кытӧн кыдз пу пӧлыньтчӧм,
Кытӧн гажа керӧс дор,
Сэні дзольгӧ-жборгӧ дзолиндзи
Эзысь горӧн сьылысь шор.

Чӧскыд дука, пашкыр юрсиа
Льӧм пу узьӧ нисьӧ оз,
Лӧня мулы-валы бурсиӧ,
Югъялӧ дзик зарни моз.

Шорыс джуджыд кыркӧтш увсяньыс,
Быттьӧ муса мича ныв,
Ньӧжйӧникӧн и зэв гусьӧник
Льӧмлы сьылӧ сьыланкыв.