* * *

Льӧм пуысь гылалӧ дзоридз,
Гылалӧ небыд лым моз.
Ракаяс кравзӧны сёрӧдз,
Вӧчӧны пу йылӧ поз.

Шыльквидзӧ нюдзвиж шӧвк турун,
Кылыштӧ пожӧм сир дук.
Тулысыс кольмӧдӧ юрӧс,
Кольмӧдӧ вӧр-ва и луг.

Локтӧны юӧръяс ылысь,
Пырӧны сьӧлӧмӧдз мем.
Мӧвпала муса ныв йылысь:
Сы кындзи мем оз ков нем.

Сьылӧй жӧ, пӧткаяс, вӧрын!
Киссьы жӧ льӧм пуысь чвет!
Нуа ме дзоридзсӧ сьӧрысь..
Разалас му пасьта мед.