БУР АСЫВ!
Зарни кодзувъясӧс унзіль босьтіс,
Шыльыд ва веркӧсыс юлӧн дзӧрис,
Шонді ньӧжйӧникӧн синсӧ восьтіс,
Гӧрдов шӧвкӧ муыс ставнас пӧри.
Кыдзьяс нюммунісны унзіль йывсьыс,
Муртса пыркнитісны небыд корнас,
Кайлӧн уна пӧлӧс сьылӧм кывсис —
Тыртіс сад йӧрнымӧс мича горнас.
Потшӧсдорса выль платтьӧа петшӧр
Шуис гусьӧникӧн гашкӧ дасысь,
Ворсігтырйи, посни челядь этшӧн:
«Олан-вылан, тувсовъя бур асыв!»
Комиӧн гижис
Илля Вась