СИКТӦЙ, ДОНАӦЙ…

Войвыв муӧй, лышкыд муӧй,
Зэв тэ муса мем.
Парма сиктын нӧрыс йылас
Тӧдса керка эм.
Рунас пӧлясьӧ зэв яра
Пузьӧм самӧвар.
Усьӧ тӧд вылӧ сэн бара
Миян Сыктывкар.

Сиктӧй, донаӧй, пыр
Тэ странанымлысь лов шысӧ кыв,
Кӧть и тэ, кӧть и тэ,
Кӧть и тэ кыпыд каръясысь ылын.
Ӧшинь улын, кӧн кыр,
Косьмӧ-быгалӧ асылӧдз тыв,
Шойччысь лэбач кодь пыжъясыс
Со якӧр йылын.

Водз-ӧ таво воис тури,
Чери шедӧ оз, —
Быдтор тӧдмаламӧ, сиктӧй,
Ми пырмунігмоз.
Майся кыаыслы паныд
Лэбӧ долыд юсь.
Мед оз пемдыв тувсов баныд,
Сьӧлӧмнад эн усь.

Сиктӧй, донаӧй, пыр
Тэ странанымлысь лов шысӧ кыв,
Кӧть и тэ, кӧть и тэ,
Кӧть и тэ кыпыд каръясысь ылын.
Ӧшинь улын, кӧн кыр,
Косьмӧ-быгалӧ асылӧдз тыв,
Шойччысь лэбач кодь пыжъясыс
Со якӧр йылын.

Вылын кывтӧ еджыд кымӧр,
Улын тёльскӧ ю.
И Москвакӧд тэнӧ, сиктӧй,
Йитӧ ӧти му.
Ӧти му кузя ӧд ветлам,
Ветлам лун и вой.
Ӧтласа и югыд гажыс,
Ӧтласа и дой.

Сиктӧй, донаӧй, пыр
Тэ странанымлысь лов шысӧ кыв,
Кӧть и тэ, кӧть и тэ,
Кӧть и тэ кыпыд каръясысь ылын.
Ӧшинь улын, кӧн кыр,
Косьмӧ-быгалӧ асылӧдз тыв,
Шойччысь лэбач кодь пыжъясыс
Со якӧр йылын.