МЕНАМ РӦД

Менам рӧд ылын йӧзас оз кывсьы:
Эз вӧв рӧдас ни мельник, ни доктор.
Ыбын мырсьысь пӧль-пӧчьясӧй йывсьыс
Некӧн некор эз вӧйплыны лёктор.

Сэк, кор поводдя дзескӧдны мӧдліс,
Пуж да вой тӧв кор пыклісны збыльысь,
Эз торк зільлунсӧ нем менам рӧдлысь,
Гӧрис-кӧдзис сэк сы мында выльысь.

Эз тай дзебсьывны йӧз мышку сайӧ,
Враг кор усьласис чужан му вылӧ.
Мир да веськыдлун лэптісны найӧ,
Менам рӧдыс ӧд Пералӧн йылӧм.