МӦД ТАЙМ

Талант, кӧть кутшӧм,
Пӧрысьладор югдӧ.
Ме пӧрысьлунысь
Сійӧн ог и пов.
И радейтны,
И мустӧмтны ог дугды,
И радейтӧ,
И мустӧмтӧ кӧ лов.

Мӧд таймӧй менам.
Оз ӧд ло нин коймӧд.
Кось абу киӧн кучкасьӧм,
Эн педз.
Ас, пытшкӧс тренер
Тэнӧ лун и вой мед,
Кыдз марсианин,
Син увсьыс оз лэдз.

Мӧд тайм,
Мӧд лов шы менам. Ӧні колӧ
Мен нӧшта
Гыа-шыа оланног.
Мед кодкӧ лӧня,
Майшасьтӧгыс олӧ.
Став олӧм тырӧн овны —
Менам мог.