ОНЕГО ТЫ ВЕСЬТЫН КАЛЯЯС

Пыжаяс бӧрся со каляяс лэбӧны.
Лӧньӧм Онего оз дур...
Налытӧ нимкодьла асьнысӧ лэптыны
Енэж да ва костын бур.

Корсянь нин ты весьтын
тэрмасьтӧг легӧны?
Ачыс Онего оз тӧд.
Шенасьысь бордъясыс — лолыс Онеголӧн,
Горзӧмныс — сьыланкыв рӧд.

Эм мыйкӧ найӧын зэв аслыспӧлӧсыс,
Бушков кыдз шевкнитлас сыв,
Быттьӧкӧ вӧйысь морт сэк каля
гӧлӧсӧн
Горӧктӧ прӧщайтчан кыв.

Ты шӧрысь, пузьӧм ва пыдӧссьыс юрӧбтӧ,
Ас йывсьыс юӧртӧ морт,
Дӧваӧн кольысьсӧ кадӧдз мед бурӧдны,
Сы йылысь тӧдіс мед ёрт!

Сэк нин, кор лӧньӧ бӧр весигтӧ
шӧртіыс,
Тёльснитлӧм куш кылӧ кор,
Ваксьӧны каляяс ӧттшӧтш и бӧрдӧны.
Ӧтторъя лэбӧм оз ор.

Бара нин дасьӧсь корабльяссӧ ордйыны.
Югзьӧ Онегоыс рӧмпӧштан моз.
Кысь найӧ босьтчисны, шевгӧдӧм бордъяяс?
Енэж да ва костысь оз вошны, оз.

Каляяс лэбӧмысь кымӧръяс воссьӧны.
Сэк, кор нин синнад он сидз,
Сунӧны увлань да син улысь вошӧны,
Гыясӧ пӧрӧны сідз.