СЕРНУР СИКТСА НЫВЛЫ
Ныв-марийка кӧ видзӧдлас, вокӧ,
Быдӧн сьӧлӧмыд ломалӧ сэк.
Сьыланкывйысь.

Гажа тулысыс миянӧ воис,
Асъя тӧвруыс мелі да шань.
Бара пӧсьлунсӧ шондіыс койӧ,
Весиг колип моз дзольгӧ — оз ланьт.
Воис, ныв, тэнад виччысянторйыд, —
Кушмис ыб. Трактор таргӧбтас сэн.
Тэнӧ ыбкӧд сэк войӧдз он торйӧд,
Тэ, пӧсь сьӧлӧма, кажитчан мен.
Прӧшви кыан тэ прӧст кадӧ гортад,
И эн вунӧд, мый кӧсйысьліс зон
Шоныд зэр бӧрын волыны кортӧг,
Тэла волыны. Помнитан он!
Вежӧд ышӧдӧ аснас Лаж юсӧ,
Сӧмын ытваыс вильшасьӧ век.
Зэрлӧн тёпкӧмыс сьӧлӧмлы муса,
Быттьӧ ныв серам кыла ме сэк.
Шоныд зэр бӧрын онялӧ муным,
Ыбӧ тракторнад петан тэ кор.
Сэк ӧд жӧникыд вермас и вунны, 
Орас свадьбуйтан сьылӧмлӧн гор.
Ойдӧм ю тэнсьыд гажӧдӧ ловтӧ.
Мыйла жӧникыд ӧні оз лок?
Аслад шуд вӧсна ньӧти он пов тэ —
Менам сьӧлӧмын ас пӧлӧс шог.
Ме кӧ жӧникнад вӧлі — ок, эськӧ
Йи нёнь гылавтӧдз эг нюжмась, эг!
Меным лым сылан кад абу веськодь:
Вӧччи эськӧ-н да-й локті ме сэк,
Тувсов шонді кӧ дзирдалӧ, збодер, —
Содӧ, тӧдӧмысь, олӧмлӧн вын.
Сернур сиктса ныв видзӧдлас кодыр,
Муслун биысь бур зонмыс оз мын,
Тувсов шондіыс быдӧнӧс шонтӧ,
Сылӧн серамбан — нывлӧн кодь дзик,
Уджтӧ, сямтӧ ме ошкыны понда,
Но, а свадьбатӧ ошкас дзонь сикт.