ЭЖВА ПАНЫД

Эм теплоходлӧн аслас мог —
И Эжва паныд катӧ.
Бур йӧзлысь шуд,
бур йӧзлысь шог
Оз вермы нуны ватӧг.

Вой сійӧс колльӧдӧ, лӧз вой,
Дзик югыд тан и сэтӧн.
А ыркыд тӧлыс,
важ кодь збой,
Гӧрд флагсӧ бара летӧ.

Флаг, быттьӧ водзӧ
дзоргысь пас —
Ӧд сійӧ ставсьыс вылын,
И сылӧн аслас енэжтас,
И аслас мусюр сылӧн.
Кӧдж сайын ломзьӧ
кыа би,
Он ӧлӧд-дугӧд тӧвтӧ,
А флаг, кыдз быттьӧ
ёртлӧн ки,
Мем саявтӧдзыс ӧвтӧ.