* * *

Больнича вевт улын олӧмыс шань.
Сэк, кор нин бурдан — да гаж бырӧ ёртсьыд, —
Вайӧны-кыскӧны, быттьӧкӧ дань,
Быд сикас чӧскыдджык сёянсӧ гортсьыд.

Уджйӧзӧ вӧйнытӧ ньӧти он пов.
«Бурдам да артмӧдчам», — ас кежсьыд шулан.
Быттьӧ каютаын шлопвидзысь лов
Кытчӧкӧ катан тэн вичмӧдлӧм шудӧн.

Ӧшиняс — иллюминаторын моз
Асъявыв вежсьыштӧм тыдалӧ серпас:
Дзиръя. А сы дорын гыӧрзьӧм коз.
Лэбачьяс кок туя лымъя му веркӧс.

Ывлаӧ дзорган тэ кыдз пассажир...
Петан ас пристаньӧ — регыд ли дыр мысьт,
Мед олӧм берегӧд мунны на дыр.
Шондіыс янӧдӧ: «Нёрпавны тырмас!»