ГӦЛЬЛӦН СЬӦЛӦМТан, гӧраясын, долыд тӧвлы, — Морт джуджта лымйыс нэм оз быр, Скӧр бушков вувзясьӧ, оз чӧвлы, Ю вомӧн йи пос кутсьӧ дыр. Тась войсӧ казявлан зэв кузьӧс... О, зарни гожӧм, дырджык ов! Кизяктӧг ёрт, кӧть рыт на, узьӧ — Сэк сартас ломзьӧдны оз ков. Гӧль мортлӧн удж век донтӧм коляс, Но гортас колӧ чӧжны вын, Гид — узьланіныс, кыд сэн — вольӧс, А вольпасьыс — руд, чорыд гын. Гӧль мортыд пемыдын кӧ олӧ, Быд мырсьӧмнас кӧ сійӧ пӧт, — Кӧть унмовсигас кыпыд лолӧ: Зэв гажӧдлывлӧ аслас вӧт.
