ШУВГЫ, ВӦР, ВОЙ И ЛУН

Шувгы, вӧр, вой и лун,
Шувгы сӧстӧм лолӧн,
Ло век зумыд, кыдз тун,
Тӧв нырыс кор волӧ.

А ми тан,
А ми олам тан,
Олам-вылам,
Шог-гаж кылам,
Шондібан!

Шувгы, вӧр, вой и лун,
Кывсьы-нимав ылӧ,
Мед нӧ тшӧтш кок ув му
Вынйӧр йывсьыд сьылӧ.

Шувгы, вӧр, вой и лун,
Гожся жар кӧть турӧб,
Мед нӧ некор оз вун
Нэмӧвӧйся бурыд.

Шувгы, вӧр, вой и лун,
Бур йӧз шудӧн ов тэ.
Кӧть мед кытчӧ ог мун,
Кыла джуджыд ловтӧ.

А ми тан,
А ми олам тан,
Олам-вылам,
Шог-гаж кылам,
Шондібан!