ЕЛЕНАЛӦН СЬЫЛАНКЫВ

Кыдз пу вылысь арнас
Корйыс усьӧ-гылалӧ.
Парма ёль моз кадыс
Помся жургӧ-кылалӧ.

Кыдз пу сьӧлӧм гӧгӧр
Кытшыс водӧ кольчаӧн.
Мунӧ кад, а мисӧ
Татчӧ овны кольччамӧ.

Кыдз пу дзик быд гожӧм
Ассьыс кудри выльмӧдӧ,
Асшӧр тужа-нужа
Олӧманым ыльӧбтӧ.

Кыдз пу воысь воӧ
Вылын юра дӧввидзӧ.
Асьнымӧс ог дзебӧй
Олӧмас быд тӧвъясысь.

Кыдз пу, ыджыд чойӧ,
Некор мед оз сьӧдасьлы...
Муӧдз копыр мортлы,
Олӧм гажсӧ тӧдысьлы!