ЧЁРНӦЙ МОРЕ

Ва и ва... Абу тӧла, а вӧрӧ.
Лӧз и кельыдлӧз — шыльквидзӧ, со.
Теплоход сылысь веркӧссӧ гӧрӧ —
Петӧ быттьӧкӧ ыбӧ
Ва шӧрӧ
Часысь-час, лунысь-лун, воысь-во.

Ва и ва... Каля корсьысьӧ ассьыс —
Вӧрысь эрд сытӧг абу и тыр.
Ассьыс воӧмсӧ шондіыс
пасйис —
Море вомӧныс югӧрсӧ тасіс,
Тшӧтш мед мӧвкъялӧ рытӧдз, оз быр.

Ва и ва... Менӧ вынсьӧдысь море
Быттьӧ асывсянь зэвтӧ быд сӧн.
Эз на тӧвзьысь да, абу на гора.
Быттьӧ пласьтвидзӧ ойдӧм Печора.
Сӧмын кӧн мӧдар берегыс, кӧн?