ЧЕЛЯДЬ ДЫР ЮӦДАс челядь дыр юӧд ме шуньга — Ӧд мый вынсьыс йӧткӧ мотор. А берегъяс — веськыд и шуйга — Мен нюмдӧны вежӧдігсор. Ог вочав нин тась челядь дырӧс — Оз сэкся тӧв юрсиӧс лет, Но пыжӧйлӧн чатыртчӧм нырыс Мен сьӧлӧмӧн усьны оз сет. Быд ыркыдлун вылӧ ог видзӧд: Эз дзикӧдз на быр челядь ру. Мен лӧсталӧ ляпкалӧм мичӧн Важ коськъясӧд ӧдӧбтысь ю. И ягыс тай гежӧдмӧм татӧн, И ю дорсьыс кежтӧг эз ло... Тадз казяла быдтор, мый матын Ог вӧтӧн, а вемӧсӧн со. Кӧть кымӧръяс ӧшйисны улӧ, И ачым нин абу дзик том, Но енэжсӧ петкӧдлысь юлы Важ ёртлы моз радла — и пом! Кыдз быттьӧкӧ мекӧд став мирыс Тат, ваӧдыс, лэбовтӧ тшӧтш, Сідз ӧд вылас пымӧдӧ вирӧс И муса мем чургӧдчысь кӧдж. Кӧть быд ногыс ышӧдӧ рытыс, Мый некутшӧм лёклун оз вен, Но кытысь нӧ тӧдны мен, кытысь, Мый кӧдж саяс петкӧдчас мен?
