* * *

Гижан удж пӧ кокни,
Нэмтӧ ов да сьыв...
Вой. А ун оз лок ни
Оз сюр колан кыв.

Кокни гижан уджыд —
Ручка-перӧ кут,
Кабалаті вуджӧд,
Ныр вылад он тут.

Мый нӧ пӧ не гижны,
Коскад пӧ оз сюй...
Кыв дзугйысь, кыдз
мыжмӧм,
Корся петан туй.

Али енмыс шуис
Аскӧд нуны кось?
Ёртӧс лэптысь руыс
Матын — да он босьт.

Но кор сьылан пузьӧ,
Восьсӧн либӧ гусьӧн,
Быттьӧ шедлӧ приз —
Гирскигтыр сэк усьӧ
Сьӧлӧм вылысь из.