БАРА ТУЙӦ

Бара туйӧ, туйӧ бара
Со тай петі асъядор.
Муна войӧ, войӧ бана.
Воча вой тӧлыс оз сор.

Поезд нуӧ, нуӧ, нуӧ,
Сӧмын ачыд весь эн ов.
Войвыв енэжувса муӧй,
Восьт мен ассьыд лышкыд лов.

Тӧдла ӧдсӧ ог на ӧтчыд,
Ме и туйын абу гӧсть.
Лыйсьӧ ывлаын веж кӧдзыд —
Проводниклӧн чайыс пӧсь.

Ӧвтӧ пожӧм лымйӧсь кинас,
Асьсӧ катлӧдлыштӧ коз.
Аслам сьӧлӧмӧй оз инась
Шудлань лэбысь лэбач моз.

Аски вӧсна абу полӧм,
Но и туйын ӧти шог:
Мед жӧ артмас, кыдзи колӧ,
Мед жӧ пӧртсяс медшӧр мог.

Мед жӧ сямми йӧзлы шуны
Бур да шань, да колан кыв,
Сӧстӧм сьӧлӧмъясӧдз нуны
Туйын чужӧм сьыланкыв.