* * *

И тэкӧд сьӧкыд овлӧ луныс-войыс,
и шӧйӧвошла ме, и бырлӧ сям.
Но бурдӧдӧ, но венӧ сьӧлӧм дойӧс
сэк ачыс революция, кыдз мам.

Оз, революция оз тӧд
куш важлысь ордым,
оз сӧмын сійӧ тӧд октябрь да май.
Быд знамя да быд шашка да быд орден
мем оз мӧй выльысь нимкодьлунсӧ вай!

Шуд восьтысь, биа лунъяслӧн яр выныс
со пуӧ-кылӧ пытшкӧсам, оз быр,
тачанка нуӧ батьяснымӧс выльысь
шынельӧн тӧбӧм мамъяснымкӧд пыр.

И медводдза начальство, устӧм-тоштӧм,
выль медсестраяс вӧсна
ёртъяссӧ эз ёр,
пӧсь лунъяс водзын кыв кутӧм эз вошты,
мед водзӧ кывтіс революциялӧн гор.

Ме татшӧм кадас весь ог вермы овны.
И книга, быттьӧ поезд, югзьӧ мем.
И мыйкӧ тӧдтӧм, ыджыд колӧ ловлы,
и кӧсъя, мед нӧ ломзяс сійӧ нэм.