* * *

Сэк олім долыда и ми.
Тыр шуднас сьӧлӧм ачыс юксьӧ,
Кор рытыввылын ломзьӧ би,
А асывнас пӧсь лысва югзьӧ.

Сигналлӧн вирдыштлӧм оз вун.
Быд дзоридз чӧскыд дуксӧ койис.
И пӧрліс праздникӧ быд лун,
И ойдліс шондіӧн сэк войыс.

Оз нӧбъяв тэнӧ сьӧкыдтор.
Тэд ставыс югыд. Оз пет ёрччӧм,
Дзик ӧтмоз, ӧтсӧгласӧн кор
Кык сьӧлӧм тіпиктӧны орччӧн.

Лӧз енэж.
Рудзӧг воӧ со.
Рыт вӧйис маа турун пиӧ...
Но шудлысь дон он гӧгӧрво,
Он кытчӧдз вошты ачыд сійӧс.